काठमाडौं । चितवनको राप्ती नगरपालिकाका मेयर शमशेर लामा सवार स्कार्पियो गाडीमाथि आक्रमण भएको छ ।
आइतवार राति बुद्धशान्ति माविको पछाडि लामा आफैले चलाएको स्कार्पियो गाडीमाथि आक्रमण भएको हो । समूहमा आएका केहि व्यक्तिले लामाको बा २ झ ३६६६ सेतो स्कार्पियोमा आक्रमण गरेको मेयर लामाको सचिवालयले जानकारी दिएको छ ।
गाडीको पछाडी पट्टिको सिसा फुटेको छ । मेयर लामालाई कुनै भौतिक चोटपटक भने लागेको छैन । काम बिशेषले वडा नं २ को गड्यौली पुगेका लामा घर फर्कने क्रममा घटना घटेको हो । आक्रमण गर्ने समूहको पहिचान भइनसकेको भन्दै प्रहरीले घटनाको अनुसन्धान भइरहेको जनाएको छ ।
लामा र वडाध्यक्षहरुका बीचमा लामो समयदेखि विवाद हुँदै आएको छ । विवादका कारणले नगरसभासमेत लामाले गर्न सकेका छैनन् । केही समय अगाडि लामाकै माग अनुसार जिल्ला सुरक्षा समितिले उनको सुरक्षाका लागि एक जना पिएसओ समेत खटाएको छ ।
