काठमाडौं । नेपाली कांग्रेसका महामन्त्री विश्वप्रकाश शर्माले सत्य बोल्दा कांग्रेसमा कसैले कारबाही भोग्नु नपर्ने बताएका छन् ।
मंगलबार रास्वपाले महामन्त्री मुकुल ढकाललाई पार्टीको पदीय जिम्मेवारीबाट हटाएपछि कांग्रेस महामन्त्री शर्माले समाजिक सञ्जालमाफर्त सत्य बोल्दा कांग्रेसमा कसैले कारबाही भोग्नु नपर्ने भन्दै ब्यंग्य हानेका हुन् ।
‘कांग्रेस राम्रोसँग चलेको छैन । बलियो र विजयी बन्न हामीले ढङ्ग बदल्नै पर्छ । यति सत्य बोल्दा कांग्रेसमा कसैले कारबाही भोग्नुपर्दैन,’ उनले लेखेका छन् ।
३८ जिल्लाको समीक्षा यात्रापछि मुकुलले प्रतिवेदनमा पार्टीको दुरावस्था उतार्ने प्रयार गरेका थिए । त्यसपछि रास्वपाका संस्थापक समेत रहेका महामन्त्री ढकाल साधारण सदस्यमा समिति हुन पुगेका छन् ।
प्रश्न, आलोचना र विरोध सहज ग्रहण गरेरै कांग्रेस जीवन्त रहेको शर्माको भनाइ छ । ‘प्रश्न, आलोचना र विरोध सहज ग्रहण गरेरै, त्यो युगदेखि यो समयसम्म काँग्रेस जीवन्त छ र रहिरहनेछ । रूपान्तरणको सङ्कल्प कार्यान्वयन गर्दै बढ्छौँ हामी,’ उनी भन्छन् ।
