ठमेलबाट ६ किलो कोकिनसहित समातिए मलेसियन नागरिक

काठमाडौं । काठमाडौंको ठमेलबाट ६ किलो कोकिनसहित एक जना पक्राउ परेका छन् । काठमाडौं प्रहरी परिसरको टोलीले ठमेलबाट ६ किलो कोकिनसहित एक मलेसियन नागरिकलाई पक्राउ गरेको हो ।

यसअघि ३० बैशाख र २ जेठमा प्रहरीको लागूऔषध ब्यूरोले करिब सात करोडको कोकिनसहित युगाण्डाका २ र भारत १ महिलालाई पक्राउ गरेको थियो । प्रहरीले एकैपटक यति धेरै परिणाममा कोकिन समातेको पहिलोपटक हो । यो लागुऔषध खैरो हिरोइनभन्दा दुई गुणा महँगो मानिन्छ ।

दक्षिण अमेरिकी देशमा उत्पादन हुने कोकिन तस्करीमा नेपाल ट्रान्जिट हुँदै आएको छ । नेपालमा पक्राउ परे पनि धेरै सजाय नहुने र खुला सीमाका कारण नेपाल कोकिन तस्करीको हब बन्दै आएकोछ ।