जसपाले माग्यो स्वास्थ्य र वन तथा वातावरण मन्त्रालय

काठमाडौं । नेकपा एमाले अध्यक्ष केपी शर्मा ओली नेतृत्वमा बन्ने सरकारमा जनता समाजवादी पार्टीले पुरानै मन्त्रालय मागेको छ ।

जसपा अध्यक्ष अशोक राईले यसअघि पाएको स्वास्थ्य र वन तथा वातावरण मन्त्रालय मागेका छन्। ओलीसँग पुरानै मन्त्रालयहरु मागेको र छलफल चलिरहेको एक नेताले जानकारी दिए ।

जसपले मागेको मन्त्रालय संख्याप्रति ओली सकारात्मक नै छन् । जसपासँग लिएर जान ओली तयार छन् । तर मन्त्रालय कुन पाउने भन्ने छलफलबाट टुंगो लाग्ने ओली निकट एक नेताले जानकारी दिए ।