काठमाडौं । नेकपा एमालेका उपाध्यक्ष विष्णु पौडेल उपप्रधान तथा अर्थमन्त्री नियुक्त भएका छन् । प्रधानमन्त्री केपी शर्मा ओलीले पौडेललाई सोमबार अर्थमन्त्री नियुक्त गरेका हुन् ।
चौथो कार्यकालका लागि अर्थ मन्त्रालय सम्हाल्ने जिम्मेवारी पाएका उनले आजै शीतलनिवासस्थित आयोजित कार्यक्रममा उपप्रधान एवं अर्थमन्त्रीको शपथग्रहण गरेका छन् ।
नेकपा एमाले र नेपाली कांग्रेसको नयाँ गठबन्धन बनेसँगै एमाले अध्यक्ष ओलीको नेतृत्वमा नयाँ सरकार बनेको हो । नयाँ सरकारमा प्रधानमन्त्रीसहित २२ सदस्यीय नयाँ मन्त्रीमण्डल बनेको छ ।
