एसिया कपमा आज नेपाल र पाकिस्तान भिड्दै

काठमाडौं । श्रीलंकामा जारी एसिया कपमा आफ्नो दोस्रो खेल अन्तर्गत आज नेपालले पाकिस्तानसँग प्रतिस्पर्धा गर्दैछ । यो खेल नेपाली समयअनुसार साँझ सवा ७ बजे सुरु हुनेछ । नेपालको पाकिस्तानको राष्ट्रिय क्रिकेट टोलीसँग टी–२० आई मान्यताप्राप्त खेल भने पहिलोपटक खेल्न लागेको हो ।

नेपालले आजको खेल जिते सेमिफाइनल पुग्ने सम्भावनालाई बलियो बनाउने छ । आजै हुने अर्को खेलमा यूएईको महिला टोली र भारतीय महिला टोली भिड्ने छन् । समूह एमा रहेका यी चार टोलीमा भारत एक खेल जितेर तालिकाको शीर्ष स्थानमा रहँदा नेपाल दोस्रो स्थानमा छ ।