काठमाडौं । निर्वेद मोटर्स प्रालिले बनेपामा नयाँ टीभीएस शोरूम सञ्चालनमा ल्याएको छ । साउन ६ गते आयोजित शोरुम उद्घाटन कार्यक्रमका प्रमुख अतिथि काभ्रे उद्योग वाणिज्य संघको प्रताप वैध्यले रिबन काटेर शोरुमको उद्घाटन गरेका हुन् ।
नयाँ शोरू सञ्चालनमा आएपछि यहाँबाट स्थानीय समुदायको मोटरबाइक र स्कूटर आवश्यकताहरू पूरा गर्ने उद्देश्य छ, जसमा विभिन्न टीभीएस मोडेलहरू उपलब्ध गराइनेछ ।
यसका साथै टीभीएस सवारी साधनहरूको प्रदर्शनसँगै शोरूमबाट स्पेयर पार्ट्स र सवारी साधन मर्मतसम्भार सहितका सेवाहरू प्रदान गरिने कम्पनीले बताएको छ । बनेपा लगायतका आसपासका ग्राहकको आवश्यकतालाई ध्यानमा राखेर उच्च स्तरका उत्पादन र सेवाहरू उपलब्ध गराउने कम्पनीका सञ्चालक रुपेश श्रेष्ठले बताएका छन् ।
जगदम्बा मोटर्स प्रालि नेपालमा टीभीएसका दुई पाँङ्ग्रे सवारी साधनको आधिकारिक वितरक हो । देशभर १५० भन्दा बढी डिलरहरुको बलियो सञ्जालका कारण टीभीएसले बजारमा बलियो पकड बनाएको छ ।
