काठमाडौं । काठमाडौंस्थित त्रिभुवन अन्तर्राष्ट्रिय विमानस्थलमा सौर्य एयरलाइन्सको जहाज दुर्घटना भएको छ । पोखरा उड्ने क्रममा विमानस्थल छाड्नेवित्तिकै खसेको प्रत्यक्षी जनाएका छन् ।
विमानस्थल सुरक्षा कार्यालयका एसएसपी डम्बर विकका अनुसार विमानमा आगो लागेको छ । प्रारिम्भक जानकारी अनुसार जहाजमा १९ जना यात्रु रहेका थिए । ९ एनए एमई कलसाइनको उक्त जहाज अहिले बिहान सवा ११ बजेतिर दुर्घटना भएको हो । अहिले उद्धार टोली परिचालन गरिएको विमानस्थल कार्यालयले जनाएको छ ।
विमानस्थलको आन्तरिकतर्फ ठूलो धुँवाको मुस्लो देखिएको छ । विमान टुक्रा टुक्रा भएको छ । विमानमा सवारहरुको अवस्था अहिलेसम्म जानकारी प्राप्त हुन सकेको छैन ।
