काठमाडौं । पोखरामा समाचार संकलन गर्न पुगेका पत्रकारमाथि कुटपिट गर्ने पाँच जना पक्राउ परेका छन् । पक्राउ पर्नेहरुमा ट्याक्सीचालक सूर्यबहादुर नेपाली, बुद्धिबहादुर बयलकोटी, प्रशान गुरुङ, सन्तोष बस्नेत र टंकबहादुर क्षेत्री पक्राउ परेका हुन् ।
आइतबार राइड सेयरिङलाई कार्यविधि बनाई लागू गर्न लागेको विषयको विरोधमा नेपाल यातायात व्यवसायी राष्ट्रिय महासंघ र सार्वजनिक यातायात केन्द्रीय महासंघले गण्डकी प्रदेशमा सार्वजनिक यातायात बन्द गरेको थियो ।
सो विषयमा पृथ्वीचोकमा रिपोर्टिङ गरिरहेका गण्डकी भ्वाइस अनलाइन मिडियाका व्यवस्थापक÷निर्देशक सुरज थापा र पोखरा टेलिभिजनकी रिपोर्टर बिनाकुमारी थापामाथि कुटपिट भएको हो । कुटपिटमा परेका दुवैको अवस्था सामान्य रहेको जिल्ला प्रहरी कार्यालय कास्कीका सूचना अधिकारी प्रहरी नायब उपरीक्षक वसन्तकुमार शर्माले बताए ।
