काठमाडौ । आईएमई लाइफ इन्स्योरेन्स कम्पनी लिमिटेडले ७ औँ वार्षिकोत्सव मनाएको छ । कम्पनीको ७ औँ वार्षिकोत्सवको अवसरमा कम्पनीले आज शनिवार बुटवल एरियाको आयोजनामा प्रभातफेरी कार्यक्रम सम्पन्न गरेको हो ।
सप्ताहव्यापी कार्यक्रम अन्तर्गत प्रभातफेरी कार्यक्रम , बुटवलको कालिकानगर, चौराहा, मिलनचोक पुगेर पुन: राजमार्ग, होराइजन हुँदै कालिकानगर पुगी कोणसभामा परिणत भएको थियो ।
प्रमुख अतिथि नेपाल बीमा प्राधिकरणका लुम्बिनी प्रदेश प्रमुख पुर्णबहादुर थापाले कार्यक्रमको औपचारिक रुपमा समुद्घाटन गर्दै आईएमई लाइफले पछिल्लो समय हरेक इन्डिकेटर्समा अग्रता लिँदै गएकोमा आगामी दिनमा पनि यसलाई कायम राख्दै जानेछ भन्दै कम्पनीको सफलताको शुभकामना व्यक्त गरेका थिए ।
कार्यक्रममा आईएमई लाइफ इन्स्योरेन्स कम्पनी लिमिटेडका क्षेत्रीय प्रबन्धक राजेन्द्र पन्थीको अध्यक्षता, नेपाल बीमा प्राधिकरण लुम्बिनी प्रदेश प्रमुख पुर्णबहादुर थापाको प्रमुख आतिथ्यता,, चौराहा सुरक्षा तथा ट्राफिक व्यवस्थापन कार्यालय रुपन्देहीका गौरव ज्ञवाली लगायतको टिम, कर्मचारी तथा अभिकर्ता लगायतको उपस्थितिमा सम्पन्न कार्यक्रमको सञ्चालन मुर्गिया शाखा प्रमुख सञ्जीव गहतराजले गरेका थिए ।
