इजरायली आक्रमणमा एकै परिवारका १५ जनाको मृत्यु

एजेन्सी । इजरायली हमलामा परी गाजामा एकै परिवारका १५ जनाको मृत्यु भएको छ । गाजाको नागरिक सुरक्षा विभागले इजरायली हवाई आक्रमणमा नौ बालबालिका र तीन महिलासहित प्यालेस्टिनी परिवारका १५ सदस्यको मृत्यु भएको बताएको हो ।

नागरिक सुरक्षा प्रवक्ता महमुद बस्सलले मध्य गाजाको अल–जावैदामा रहेको अज्लाह परिवारको घरमा आक्रमण हुँदा उनीहरुको मृत्यु भएको बताए । यद्यपी इजरायली सेनाले यस घटनाबारे कुनै टिप्पणी गरेको छैन । इजरायल र हमासबीच १० महिनाभन्दा बढी समयदेखि गाजा क्षेत्रमा युद्ध चलिरहेको छ ।