काठमाडौं । नेपाल प्रहरीका एकजना डीआईजीसहित करिब ९० जना प्रहरी अधिकारीकाले एकसाथ अवकाश पाएका छन् ।
वाग्मती प्रदेशका प्रमुख डीआईजी विष्णु केसीसहित ११ जना एसएसपीहरु दिनेशराज मैनाली, दिल्लीराज विष्ट, रेवती ढकाल, बेलबहादुर पाण्डे, रवि पौडेल, जीवनकुमार श्रेष्ठले अवकाश पाएका हुन् ।
त्यस्तै किसन सिंह थापा, नविन राई, रवीन्द्र रेग्मी, विरबहादुर वली र चन्द्रदेव राईले पनि अवकाश पाएका छन् । त्यस्तै एसपीहरुमा कृष्ण प्रसाईं अवदेश विष्ट, हिराबहादुर पाण्डेले अवकाश पाएका छन् ।
उनीहरुबाहेक डीएसपी र प्रहरी निरीक्षकहरुले पनि एकैसाथ अवकाश पाएका हुन् । उनीहरु सबै २०५१ भदौ १६ मा सहायक प्रहरी निरीक्षकमा भर्ना भएका थिए । प्रहरीको ३० वर्षे सेवा हदका कारण उनीहरुले अवकाश पाएका हुन् ।
अवकाश पाउनुअघि ३० वर्षे सेवाहका कारण आफूहरु अवकाश पाउन नहुने भन्दै एसएसपी जीवन कुमार श्रेष्ठको नेतृत्वमा सर्वोच्च समेत पुगेका थिए । सर्वोच्चका न्यायाधीस हरि फुयालको इजालले भदौ ६ मा उनीहरुको अवकाश रोक्न अन्तरिम आदेश दिएको थियो ।
तर, शुक्रबार न्यायधीस विनोद शर्मा र सारंगा सुवेदीको संयुक्त इजलासले अन्तरिक आदेश खारेज गरेसँगै उनीहरुको अवकाश पाएका हुन् ।
