काठमाडौं । नेकपा एमालेका नेताहरुले माओवादी केन्द्रका अध्यक्ष पुष्पकमल दाहाल प्रचण्डलाई भेटेका छन् । बागमती प्रदेश इन्चार्ज डा.राजन भट्टराईको नेतृत्वमा काठमाडौं जिल्लाका नेताहरुले प्रचण्डलाई भेटेका हुन् ।
नदी किनाराका जग्गाका सम्बन्धमा देखिएको समस्या समाधानका लागि पहलको आग्रहसहित भेटघाटका लागि पुगेको सर्वदलीय प्रतिनिधिमण्डलसँग कुरा गर्दै अध्यक्ष प्रचण्डले निर्णय कार्यान्वयनमा समस्या देखिएकाले सरकार अदालतमा भ्याकेटमा जाँदा ठिकै हुने उल्लेख गर्दै यसबारे पार्टीको धारणा बैठकपछि नै तय गर्ने बताए ।
सर्वदलीय भेटमा सहभागीहरूले नदी किनाराका जग्गा छाड्नुपर्ने अदालतको फैसलापछि काठमाडौँमा ठुलो समस्या सुरु भएको बताएका थिए । अदालतको आदेशअनुसार काठमाडौँको नदी, खोला र राजकुलो समेत दायाँबायाँ २०/२० मिटर छाड्नुपर्दा दसौँ हजार घरपरिवार विस्थापित हुने र पशुपतिनाथ मन्दिर पनि सार्नुपर्ने अवस्था आउने बताए ।
