आन्तरिक उडानतर्फको कक्षमा यात्रुको ठुलो भिड, एकै दिन १५६ वटा उडान

काठमाडौँ । अविरल वर्षाका कारण ३ दिन सम्म रोकिएको आन्तरिक उडान आजदेखि सुरु भएको छ । आइतबार मौसम अनुकूल भएपछि हाल आन्तरिक उडानतर्फको कक्षमा यात्रुहरूको निकै ठुलै भिड छ ।

अत्यधिक उडान चापले ५-६ घण्टासम्म पनि उडान ढिलो भएको र कति यात्रुलाई आज उडान हुन नसक्ने भन्दै फिर्ता पनि पठाइएको यात्रु हरूको आरोप छ ।

त्रिभुवन अन्तर्राष्ट्रिय विमानस्थलका एक अधिकारीका अनुसार आइतबारका लागि आन्तरिकतर्फ १५६ वटा उडान र सोही नै सङ्ख्यामा अवतरण हुने तालिका तय भएको थियो ।

खराब मौसम हुँदा पछिल्लो तीन दिनदेखि हुन नसकेको र रोकिएका उडानका कारण आइतबार उडानमा चाप बढेको शेर्पाले बताए ।