काठमाडौं । नेपाल इन्भेस्टमेन्ट मेगा बैंकले नेपालमा पहिलो पटक भिसा वेयरेबल स्टिकर भित्र्याएको छ ।
बैंकका ग्राहकहरूले कुनैपनि पीओएस टर्मिनलमा वेयरेबल उपकरण ट्याप गरी छिटो र सुरक्षित तरिकाले सेवा पाउनेछन् । एनआईएमबि पेवियरले कारोबारलाई छिटो, सुविधाजनक र सुरक्षित बनाउने उद्देश्यले डिजाइन गरिएको बैंकले जनाएको छ ।
यसको प्रयोग गर्ने ग्राहकले भौतिक कार्डहरू वा मोबाइल वालेट बोक्न नपर्ने बैंकको दाबी छ । ‘एनआईएमबि पेवियर नेपालका लागि गेम चेन्जर हो’, नेपाल इन्भेस्टमेन्ट मेगा बैंकका वरिष्ठ डेपुटी सीईओ महेश शर्मा ढकालले भने, ‘यो उत्पादनले हाम्रा ग्राहकहरूको भुक्तानी गर्ने तरिकालाई पूर्ण रूपले परिवर्तन गर्नेछ ।’
नेपालमा पहिलो पटक यो प्रविधि भित्र्याउन पाउँदा बैंक उत्साहित भएको उनको भनाइ छ । यसले बैंकलाई डिजिटल नवप्रवर्तनमा अग्रणीको रूपमा स्थापित गर्ने उनको दाबी छ ।
ग्राहकहरूलाई आफ्नो घडी, की–चेन, फोन केसजस्ता कुनै पनि व्यक्तिगत वस्तुमा वेयरेबल स्टिकर टाँस्न सक्नेछन् । जसले यसलाई धेरै बहुउपयोगी र सुविधाजनक बनाउँछ । ग्राहकहरूले कुनै पनि पीओएस टर्मिनलमा उपकरण ट्याप गरेर छिटो र सुरक्षित कारोबार गर्न सक्नेछन् ।
तीन महिनाभित्र यसको स्टिकरको लागि आवेदन दिने र यसलाई सक्रिय गर्ने ग्राहकहरूले सो अवधिमा १२ वटा पीओएस कारोबार पूरा गरेपछि आफ्नो वेयरेबल शुल्क (एनपीआर १ हजार) फिर्ता पाउनेछन् ।
हाल, नेपाल इन्भेस्टमेन्ट मेगा बैंकले नेपालभर ९ वटा भिसा एसोसिएट सदस्यहरू, १६ लाख कार्डहरू (जसमध्ये ६.५ लाख नेपाल इन्भेस्टमेन्ट मेगा बैंकका विशेष कार्डहरू हुन्) सहितको विस्तृत नेटवर्क सञ्चालन गर्दै आएको छ ।
बैंकले २७५ शाखा, २६५ एटीएम, र ४ हजार भन्दा बढी पीओएस टर्मिनलहरू सञ्चालन गरिरहेको जनाएको छ ।
बैंकले ६५ वटा विस्तारराजस्व संकलन काउन्टरहरू र ७७ शाखाबिहीन बैंकिङ आउटलेटहरू मार्फत सेवाहरू प्रदान गर्दै आएको छ ।
नेपालको बैंकिङ क्षेत्रको अग्रणी इतिहास
नेपाल इन्भेस्टमेन्ट मेगा बैंक लामो समयदेखि नेपालका बैंकिङ उद्योगमा नवप्रवर्तनको अगुवाइ गर्दै आएको छ। सन् २००३ मा, बैंकले नेपालमा पहिलो पटक भिसा इलेक्ट्रोन डेबिट कार्ड जारी गरेको थियो, र भिसा कन्सोर्टियम र राष्ट्रिय भुक्तानी नेटवर्क (एनपीएन) मार्फत कार्ड सेवाहरूलाई प्रवद्र्धन गर्दै आएको छ ।
हाल, नेपाल इन्भेस्टमेन्ट मेगा बैंकले नेपालभर ९ वटा भिसा एसोसिएट सदस्यहरू, १६ लाख कार्डहरू (जसमध्ये ६.५ लाख नेपाल इन्भेस्टमेन्ट मेगा बैंकका विशेष कार्डहरू हुन्) सहितको विस्तृत नेटवर्क सञ्चालन गर्दै आएको छ। बैंकले २७५ शाखा, २६५ एटीएम, र ४ हजार भन्दा बढी पीओएस टर्मिनलहरू सञ्चालन गरिरहेको छ। साथै, नेपाल इन्भेस्टमेन्ट मेगा बैंकले ६५ वटा विस्तार÷राजस्व संकलन काउन्टरहरू र ७७ शाखाविहीन बैंकिङ आउटलेटहरू मार्फत सेवाहरू प्रदान गर्दै आएको छ, जसले ग्राहकहरूको पहुँचलाई देशभर फैलाएको छ ।
भिसा वेयरेबल स्टिकरको परिचयले बैंकिङ क्षेत्रमा नवीनतम प्रविधि ल्याउने नेपाल इन्भेस्टमेन्ट मेगा बैंकको परम्परालाई निरन्तरता दिँदै, ग्राहक अनुभवलाई अझ उत्कृष्ट बनाउँदै छ ।
