काठमाडौं । सम्झौताबमोजिम कार्यसम्पादन सन्तोषजनक नरहेको भन्दै १७ वटा निर्माण व्यवसायी/आपूर्तिकर्तालाई सरकारले स्पष्टिकरण माग गरेको छ ।
सार्वजनिक खरिद अनुगमन कार्यालयले आज सूचना जारी गर्दै कार्यसम्पादन सन्तोषजनक नभएका १७ निर्माण कम्पनीलाई कालोसूची राख्न नपर्ने कारणबारे लिखित स्पष्टिकरण पेश गर्न भनेको हो ।
कार्यालयले कालोसूचीमा राख्न नपर्ने आधार प्रमाण भए सूचना प्राप्त भएको मितिले ३० दिनभित्र कार्यालयमा लिखित स्पष्टिकरण पेश गर्न भनेको छ ।
