काठमाडौं । कर्तव्य ज्यान मुद्दामा इन्टरपोलबाट रेड नोटिस जारी भएका एक फरार प्रतिवादी कतारबाट पक्राउ परेका छन् ।
पक्राउ पर्नेमा भोजपुरका गजेन्द्र वान्तवा राई रहेका छन् । उनले श्रीमती झापा मेचीनगर नगरपालिका–११ धाईजन बस्ने ४८ वर्षीय शर्मिला तामाङको हत्या गरेका थिए ।
एनसीबी दोहाको समन्वयमा कतारमा पक्राउ परेका उनलाई सम्बन्धित मुद्दामा कारबाही गर्ने, गराउने प्रयोजनार्थ मंगलबार नेपाल फिर्ता ल्याइएको छ ।
उनलाई सम्बन्धित कसुर बमोजिम कानुनी कारबाहीको लागि इलाका प्रहरी कार्यालय धुलावारी झापाबाट खटी आएका प्रहरीलाई बुझाइएको नेपाल प्रहरी प्रधान कार्यालय इन्टरपोल शाखाले जनाएको छ ।
