काठमाडौं । असोज ११ र १३ गतेको बाढी पहिरोमा परि ललितपुरमा ज्यान गुमाएका व्यक्तिका परिवारलाई आर्थिक सहयोग गरिएको छ ।
नेपाली कांग्रेस जिल्ला कार्यसमिति ललितपुरको समन्वय तथा सहजिकरणमा मङ्गलबार कांग्रेस सभापति शेरबहादुर देउवाले बाढी पहिरोमा परि ललितपुरमा ज्यान गुमाएका व्यक्तिका परिवारलाई नगद सहयोग हस्तान्तरण गरेका हुन् ।
आर्थिकका सहयोगका लागि कांग्रेस सांसद मोहन बहादुर बस्नेतले सहयोग तथा संयोजक गरेका थिए भने सिन्धुपाल्चोकका बाह्रबिसे नगरपालिका, भोटेकोशी गाउँपालिका लगायत स्थानीय तहले समेत सहयोग गरेका थियो ।
कार्यक्रमका कांग्रेस सभापति देउवाले बाढी पहिरोका कारण भएको धन जनप्रति दुख व्यक्त गर्दै मृतकप्रति श्रद्धाञ्जली व्यक्त गरे । उनले दुखका बेला कांग्रेस सदैव जनतामाझ रहने प्रतिवद्धता जनाए ।
त्यस्तै कांग्रेस सांसद मोहन बहादुर बस्नेतले प्राकृतिक प्रकोपबाट पीडितहरूलाई सहयोग गर्नका लागि आफू सदैव अघि बढ्ने बताए । मानवीय संवेदनशीलताका आधारमा एउटा नेपालीलाई दुख पर्दा अर्को नागरिकले सहयोग गर्नु सबैको कर्तव्य भएको उनले बताए ।
असोज ११ र १३ गतेको बाढी पहिरोमा परि ललितपुरमा मात्रै ४० भन्दा बढिको मृत्यु भएको थियो ।
