काठमाडौं । एनआइएमबी एस क्यापिटल लिमिटेडले ‘विश्व लगानीकर्ता सप्ताह-२०२४’ को सन्दर्भमा नुवाकोटमा रहेको सिद्धार्थ होटल वाटर टावरमा लगानीकर्ता शिक्षा तथा सचेतना कार्यक्रम सम्पन्न भएको छ ।
एक सयभन्दा बढी स्थानीयहरुको उत्साहजनक सहभागिता रहेको उक्त कार्यक्रममा प्रमुख प्रशिक्षकको रुपमा एनआइएमबी एस क्यापिटलका महाप्रबन्धक सचिन्द्र ढुङ्गाना थिए ।
ढुङ्गानाले लगानीकर्ता सप्ताह २०२४ को मुख्य विषयवस्तुसँगै नेपालमा शेयर बजारको वर्तमान अवस्था, यसका चुनौति र समस्याबाट जोगिने उपायहरुका साथै नेपाली शेयर बजारका विभिन्न पक्षहरूको सम्बन्धमा प्रशिक्षणमूलक अभिव्यक्ति दिएका थिए ।
कार्यक्रममा स्मार्ट लगानीकर्ताका विशेषता सहित नेपाली लगानीकर्ताको व्यवहारिक पक्षबारे पनि छलफल गरिएको थियो भने एनआइएमबी एस क्यापिटलले प्रदान गर्ने सेवाहरुको बारेमा समेत विस्तृत रुपमा जानकारी गराइएको थियो ।
