सुपर सिक्सेस : क्वाटरफाइनलमा आज श्रीलंकासँग भिड्दै नेपाल

काठमाडौं । हङकङमा जारी हङकङ सुपर सिक्सेस प्रतियोगिताको क्वाटरफाइनलमा नेपालले आज श्रीलंकासँग प्रतिस्पर्धा गर्दैछ । खेल नेपाली समय अनुसार आज दिउँसो १ः ३५ बजे सुरु हुने छ । नेपाल समूह ‘बी’ बाट विजेता बन्दै क्वाटरफाइनलमा प्रवेश गरेको हो ।

समूह ‘बी’ मा नेपालले इङ्ग्ल्याण्ड र अस्ट्रेलियालाई पराजित गरेर शीर्ष स्थानमा रहेको छ। शुक्रवार इङ्ग्ल्याण्डलाई ६ विकेटले हराएको नेपालले शनिवार अस्ट्रेलियालाई ११ रनले पराजित गरेको थियो ।

१२ टोली सहभागी प्रतियोगितामा न्युजिल्यान्ड, इंगल्यान्ड र भारत क्वाटरफाइनल पुग्न असफल भए । एसोसिएटेड टोलीहरू हङकङ, नेपाल र युएइले भने क्वाटरफाइनलमा स्थान बनाएका छन् ।