रोशीमा आफ्नै भान्साघरमा मृत भेटिइन् एक महिला

काठमाडौं । काभ्रेपलाञ्चोकको रोशीमा एक महिला मृत फेला परेकी छन् । रोशी गाउँपालिका– ३ भञ्ज्याङ निवासी साइँलाकाजी तामाङकी पत्नी ६६ वर्षीया माइली लामा शुक्रबार साँझ आफ्नै घरको भान्सा कोठामा मृत फेला परेकी हुन् ।

लामा आफ्नै घरमा टाउकोमा चोट लागेको अवस्था मृत फेला परेको जिल्ला प्रहरी कार्यालय काभ्रेको प्रमुख एसपी बसुन्धरा खड्काले जानकारी दिइन् । उनका अनुसार ती महिलाको हत्या भएको हुन सक्ने आशंका गरिएको छ । घटनाबारे प्रहरीले अनुसन्धान अघि बढाएको जनाएको छ ।