काठमाडौं । थाइ एयर एसियाले बैंकक–भैरहवा–बैंकक उडान आजबाट सुरु गरेको छ । थाइले बैंककबाट भैरहवाको गौतमबुद्ध अन्तर्राष्ट्रिय विमानस्थलमा आइतबार उडान गरेको हो । यससँगै अब थाइले भैरहवाबाट साताको २ दिन सोमबार र विहीबार उडान गर्नेछ ।
अब ८ नोभम्बर (२३ मंसिर) मा अर्को उडान हुने विमानस्थलका महाप्रबन्धक प्रतापबाबु तिवारीले जानकारी दिए ।
उनका अनुसार आज बिहान ७ बजे विमानस्थलमा जहाज अवतरण गरेको थियो। लगत्तै बिहान ७ः४० बजे बैंकक प्रस्थान गरीसकेको उनले बताए । विमानमा चालक दलका ७ सदस्यहरु मात्रै आएका थिए । भैरहवाबाट बैंककतर्फ एकतर्फी सुरुवाती भाडादर १२ हजार रुपैयाँ छ ।
