काठमाडौं । अमेरिकाको राष्ट्रपति निर्वाचनको मतगणना सकिन बाँकी नै छ । मतगणनामा रिपब्लिकन उम्मेदवार डोनाल्ड ट्रम्पले जित्ने निश्चित भएको छ ।
ट्रम्प चुनाव जित्ने निश्चित भएपछि अमेरिकी खर्बपति व्यापारी तथा विद्युतीय सवारी साधन निर्माता कम्पनी टेस्लाका सीईओ एलन मस्क मख्ख भएका छन् । उनले रमाइलो फोटो पोस्ट गरेका छन् ।
यसअघि नै उनले ट्रम्पसँग गफ गरिरहेको फोटो हालेका थिए । माइक्रो बलगिङ वेबसाइट एक्समा मस्कले एउटा पोस्ट शेयर गरेका छन् । यो पोस्टमा मुस्कुराइरहेका मस्क दुवै हातमा बेसिनको सिंक लिएर गइरहेको देखिन्छ ।
यसको क्याप्सनमा उनले ‘लेट द्याट सिंक इन’ भन्ने उखान लेखेका छन् । यसको अर्थ यतिबेला सारा विश्वको ध्यान अमेरिकी राष्ट्रपति निर्वाचनमा छ । यो चुनावमा मस्क खुलेर ट्रम्पको पक्षमा लागेका छन् ।
कयौँ पटक उनी ट्रम्पको चुनावी र्यालीमा सहभागी भएका थिए । एक्समा उनले ट्रम्पको समर्थनमा कयौँ पोस्ट गरेका छन् ।
ट्रम्पको पक्षमा मत जुटाउन उनले स्वीङ्ग स्टेटमा दिनहुँ एक मतदातालाई १० लाख डलर बाँड्ने योजना नै चलाएका थिए । आफू दोहो¥याएर ह्वाईट हाउस छिरे भने मस्कलाई मन्त्री बनाउँछु भनेर ट्रम्पले यस अघि नै वाचा गरेका थिए ।
