काठमाडौं । सुर्खेत-दैलेखको सिमानामा भएको फोर्स गाडी दुर्घटनाबाट तीन जनाको मृत्यु भएको छ ।
जिल्ला प्रहरी कार्यालय सुर्खेतका प्रहरी प्रमुख रुपेश खड्काका अनुसार दैलेखबाट सुर्खेततर्फ आउँदै गरेको कर्णाली प्रदेश ००१ख ९९८ नम्बरको गाडी शुक्रबार दिउँसो २ः२० मिनेटमा दुर्घटनामा परेको थियो ।
गाडी वीरेन्द्रनगर नगरपालिका–१४, रातानाङ्लातर्फ दुर्घटना भएको र भिरबाट तल खसेको खड्काले बताए ।
उनका अनुसार दुर्घटनामा २५ जनाभन्दा बढी घाइते भएका छन् । घाइतेलाई कर्णाली प्रदेश अस्पतालमा पठाइएको छ भने थप विवरण आउन बाँकी नै रहेको खड्काले बताए ।
