जाजरकोट जिप दुर्घटना, तीनजना घाइते

सुर्खेत । जाजरकोटको बाउसे खोला जिप दुर्घटना भएको छ । बारेकोटबाट सदरमुकाम खलंगा आउँदै गरेको घ १ ज ५९५ नम्बरको बोलेरो जिप बिहान ११ बजेतिर नलगाड नगरपालिका–४ को बाउसे खोलाको जिरो प्वाइन्टमा दुर्घटना भएको जाजरकोट प्रहरीले जनाएको छ ।

दुर्घटनामा तीनजना घाइते भएको र उनीहरूलाई उपचारका लागि जिल्ला अस्पताल जाजरकोट पठाइएको छ । गाडीबिच सडकमा पल्टिएको छ । घटनाबारे थप विवरण आउन बाँकी छ ।