पोखरा । सहकारीको रकम हिनामिना प्रकरणमा हाल कास्की प्रहरीको हिरासतमा रहेका पूर्वगृहमन्त्री एवं राष्ट्रिय स्वतन्त्र पार्टी (रास्वपा)का सभापति रवि लामिछानेलाई बयानका लागि आज रुपन्देहीको बुटवल लगिँदै छ ।
रुपन्देही जिल्ला अदालतले केही समयअघि नै लामिछानेविरुद्ध पक्राउ पुर्जी जारी गरिसकेको छ । त्यसैले रुपन्देही प्रहरीले उनलाई बयानका लागि लैजान लागेको हो ।
लामिछानेलाई बुद्ध एयरको उडानमार्फत अहिले बिहान सात बजे भैरहवा विमानस्थल हुँदै बुटवल लैजाने तयारी रहेको थियो । तर, विमानस्थलमा कुहिरो लागेकाले उडान ढिला भएको कास्की प्रहरी प्रमुख श्यामबाबु ओलियाले जानकारी दिए । उनका अनुसार मौसम खुल्नेवित्तिकै उनलाई लगिने छ ।
