मैत्रीपूर्ण फुटबलमा ताजिकिस्तानसँग नेपाल पराजित

काठमाडौं । ताजिकिस्तानविरुद्धको अन्तर्राष्ट्रिय मैत्रीपूर्ण फुटबलमा नेपाली राष्ट्रिय फुटबल टिम ४-० ले पराजित भएको छ ।

बुधबार ताजिकिस्तानस्थित पामिर रंगशालामा भएको खेलमा नेपालले पहिलो हाफमा तीन र दोस्रो हाफमा एक गोल बेहोरेको हो ।

नेपालले अब आगामी आइतबार दोस्रो मैत्रीपूर्ण खेलमा अफगानिस्तानविरुद्ध खेल्ने तालिका छ । यी दुई टिमबीचको खेल पनि पामिर रंगशालामै हुने छ ।