आज पनि घट्यो सुनचाँदीको मूल्य

काठमाडौं । नेपाली बजारमा आज (बिहीबार) पनि सुनको मूल्यमा उच्च गिरावट भएको छ । मंगलबार तोलामै चौबीस सय रुपैयाँ घटेको सुनको मूल्य आज थप २२ सय रुपैयाँ घटेको हो ।

आज सुन प्रतितोला एक लाख ६० हजार रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । यसअघि हिजो सुनको मूल्य एक लाख ६२ हजार दुई सय रुपैयाँ थियो ।

आज चाँदीको मूल्य पनि घटेको छ । हिजो प्रतितोला एक हजार नौ सय ४० मा कारोबार भएको चाँदीको मूल्य आज ३५ रुपैयाँ घट्दै एक हजार नौसय पाँच रुपैयाँ कायम भएको महासंघले जनाएको छ ।