सुर्खेत । नेकपा (एमाले)ले दैलेखको महाबु गाउँपालिकाको अध्यक्षमा एकीकृत समाजवादी छाडेका जंगबहादुर शाहीलाई उम्मेदवार बनाउने भएको छ ।
एमालेले १६ मंसिरमा हुने उपनिर्वाचनमा शाहीलाई उम्मेदवार बनाउने निर्णय गरिएको हो । तर यसको औपचारिकता दिन भने बाँकी छ ।
यसअघि नेकपा एकीकृत समाजवादीको केन्द्रीय सदस्य रहेका शाहीलाई गाउँपालिकाको अध्यक्षको उम्मेदवार बनाउने शर्तमा एमालेले पार्टीमा स्वागत गरेको थियो ।
शाही २०७४ सालमा पनि महाबु गाउँपालिकाको अध्यक्षमा निर्वाचित भएका थिए । २०७९ को निर्वाचनमा उनी कांग्रेसका लक्ष्मण गुरुङसँग पराजित भएका थिए ।महाबुको अध्यक्षमा कांग्रेसले झलकबहादुर भण्डारीलाई उम्मेदवार बनाएको छ भने राष्ट्रिय स्वतन्त्र पार्टीले प्रकाश बुढालाई उम्मेदवार बनाएको छ ।
