विश्वकपमा छनोट भएको नेपाली टोलीलाई विमानस्थलमा भव्य स्वागत

काठमाडौँ । आइसिसी महिला यू–१९ विश्वकप क्रिकेटका लागि छनोट भएको नेपाली टोलीको भव्य स्वागत गरिएको छ ।

बिहीबार साँझ स्वदेश फर्किएको टोलीलाई नेपाल क्रिकेट संघ (क्यान)का पदाधिकारीका साथै क्रिकेट समर्थक र खेल प्रेमीहरूले त्रिभुवन अन्तर्राष्ट्रिय विमानस्थलमा भव्य स्वागत गरेका हुन् ।

बुधबार भएको खेलमा आयोजक राष्ट्र यूएईलाई हराउँदै नेपाल मलेसियामा हुने यू–१९ महिला विश्वकपमा छनोट भएको थियो ।