दार्चुलामा जीप दुर्घटना हुँदा ६ जनाको मृत्यु, ६ घाइते

काठमाडौं । दार्चुलामा जीप दुर्घटना हुँदा ६ जनाको मृत्यु भएको छ । ६ जना घाइते भएका छन् । मालिकार्जुनबाट गोकुलेश्वरतर्फ जाँदै गरेको म १ ज ३३८ नम्बरको जीप आज बिहान ४ बजेतिर शैल्यशिखर नगरपालिका–६ मा ​ दुर्घटना हुँदा ६ जनाको मृत्यु भएको हो ।

मृतकहरूको पहिचान खुल्न बाँकी रहेको जिल्ला प्रहरी कार्यालय प्रहरीले जनाएको छ । मालिकार्जुन मन्दिरमा लागेको जात्रामा सहभागी भएर फर्किरहेकाहरू दुर्घटनामा परेको दार्चुलाका प्रमुख जिल्ला अधिकारी यज्ञराज जोशीले जानकारी दिए ।

घाइतेहरूको उद्धार जारी रहेको छ । उनीहरूलाई उपचारका लागि गोकुलेश्वर अस्पताल पठाइएको र थप विवरण आउन बाँकी रहेको प्रहरीले जनाएको छ ।