काठमाडौं । आज मन्त्रिपरिषदको बैठक बस्दैछ । बैठक बिहान ९ बजे प्रधानमन्त्री निवास बालुवाटारमा बस्ने भएको हो ।
पूर्वसभामुख दमननाथ ढुंगानाको निधन भएको र उनलाई कस्तो सम्मान दिने भन्ने निर्णय गर्न प्रधानमन्त्री केपी ओलीले बैठक बोलाएको जनाइएको छ । ढुंगानाको हिजो ८३ वर्षको उमेरका काठमाडौंको पुरानो बानेश्ररमा निधन भएको थियो ।
आजको बैठक नियमित पनि भएकोले केही नियुक्ति बढुवा र अन्य केही निर्णय हुन सक्ने प्रधानमन्त्री ओलीको सचिवालयले जनाएको छ ।
