काठमाडौंको माछापोखरीमा दुईजना मृत भेटिए

काठमाडौं । काठमाडौंको माछा पोखरीमामा दुईजना मृत फेला परेका छन् । काठमाडौं महानगरपालिका–१६ माछापोखरी वसन्तनगरस्थित क्यासिकल होटलमा नुवाकोट ककनी गाउँपालिका– ६ घर भएका २८ वर्षीय भोला पाठक मृत भेटिएका हुन् ।

यस्तै सोही ठाउँको मितेरी पुल नजिकै खाली जग्गामा रहेको पुरानो ठेलामाथि अन्दाजी ५५ वर्षीय पुरुष मृत फेला परेको केन्द्रीय प्रहरी प्रवक्ता दानबहादुर कार्कीले जानकारी दिए ।

कार्कीका अनुसार मितेरी पुल नजिकै खाली जग्गामा रहेको पुरानो ठेलामाथि मृत फेला परेका पुरुषको सनाखत हुन सकेको छैन । यसबारे अनुसन्धान गरिरहेको प्रवक्ता उनले बताए ।