काठमाडां । नेपाली सेनाका उपरथी प्रदीपजंग केसी बलाध्यक्ष रथीमा बढुवा भएका छन् । बिहीबार बसेको मन्त्रिपरिषद बैठकले मध्य पृतना हेटौँडाका पृतनापति समेत रहेका केसीलाई रिक्त रथी पदमा बढुवा गर्ने निर्णय गरेको हो ।
अशोकराज सिग्देल प्रधानसेनापतिमा नियुक्त भएपछि गत भदौदेखि नेपाली सेनाको एक रथी पद रिक्त थियो । दुई जना रथीको दरबन्दी रहेकोमा निर्मलकुमार थापा मात्रै कार्यरत थिए ।
रथीमा बढुवा भएसँगै केसी २०८३ मंसिर १५ गतेसम्म सैनिक सेवामा रहनेछन् । त्यसपछि उनी रथीको ५८ वर्षे उमेर हदका कारण अनिवार्य अवकासमा जानेछन् ।
