काठमाडौं । काठमाडौँ महानगरपालिका–१६ को वडाध्यक्ष पद जितेपछि राष्ट्रिय स्वतन्त्र पार्टी (रास्वपा) ले विजय जुलुस निकालेको छ ।
ठूला दललाई हराउँदै आफ्ना उम्मेदवार रोजिना श्रेष्ठले २९०२ मतसहित वडाध्यक्ष पद जितेपछि पार्टी उपसभापति स्वर्णिम वाग्लेको नेतृत्वमा रास्वपाले विजय जुलुस निकोलेको हो । रोजिनाका निकटतम प्रतिस्पर्धी एमालेका लक्ष्मीरत्न तुलाधरले २ हजार २२० मत ल्याउँदा कांग्रेसका देवेन्द्र पाठकले २ हजार २१४ मप पाए ।
नेकपा (एकीकृत समाजवादी) का मीन बहादुर मानन्धरले १ हजार ९२, राष्ट्रिय प्रजातन्त्र पार्टीका श्याम कृष्ण श्रेष्ठले ७४२, स्वतन्त्र उम्मेदवार देवेन्द्र कुमार श्रेष्ठले ४९८ र अर्का स्वतन्त्र उम्मेदवार सम शाक्य ३३४ मत पाए ।
