रविलाई काठमाडौंबाट पोखरा पठाइयो

काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछानेलाई पर्साबाट काठमाडौं ल्याएर पोखरा लगिएको छ । आज बिहान सिमराबाट हवाइ उडानमार्फत काठमाडौं विमानस्थल ल्याइपुर्याइएका लामिछानेलाई बुद्ध एयरको जहाजमा फेरी पोखरा पठाइएको हो ।

रविलाई पोखराबाट बयानका लागि सोमबार वीरगञ्ज लगिएको थियो । हिजो एक दिनमै बयान सकेर पर्सा प्रहरीले उनलाई आज पोखरा प्रहरीको हिरासतमा फिर्ता पठाएको हो । सहकारीको रकम अपचलन आरोपमा कात्तिक २ गते काठमाडौंबाट पक्राउ परेका लामिछाने हाल कास्की प्रहरीको हिरासतमा छन् ।