काठमाडौं । प्रधानमन्त्री केपी शर्मा ओलीले आज मन्त्रिपरिषद्को बैठक बोलाएका छन् । बैठक सिंहदरबारस्थित प्रधानमन्त्री तथा मन्त्रिपरिषद्को कार्यालयमा साँझ ५ बजे बस्ने प्रधानमन्त्री सचिवालयले जनाएको छ ।
चीन भ्रमणबाट फर्किएपछि प्रधानमन्त्री ओलीले पहिलोपटक मन्त्रिपरिषद् बैठक बोलाएका हुन् । बैठकमा प्रधानमन्त्रीको चीन भ्रमणको समीक्षासहित सरकारको काम कारबाहीबारे नियमित छलफल हुने बताइएको छ ।
