दमक । झापाबाट करिब ३० हजार अमेरिकी डलरसहित एकजना पक्राउ परेका छन् । प्रहरीका अनुसार पक्राउ पर्नेमा झापा गौरादह नगरपालिका–५ का २५ वर्षीय मोहम्मद नौसाद मिया हुन् ।
मियाको साथबाट २९ हजार ७ सय अमेरिकी डलर बरामद गरिएको प्रहरीले जनाएको छ । बिहीबार दिउँसो करिब २ बजेको समयमा इलाका प्रहरी कार्यालय दमकबाट खटिएको टोले झापा कमल गाँउपालिका–३, मा रहेको पूर्व पश्चिम राजमार्गमा सवारी साधन चेकजाँच गर्ने उक्त रकम बरामद भएको हो ।
दमकबाट बिर्तामोडतर्फ जादैं गरेको प्रदेश १–०२–००१ ख ९५३० नम्बरको यात्रुबाहक बसलाई चेकजाँच गर्दा सोही बसमा सवार मियाकोसँग स्रोत नखुलेको अमेरिकी डलर रहेको खुलेको जिल्ला प्रहरी कार्यालय, झापाले जनाएको छ ।
