काठमाडौं । नेपाल पत्रकार महासंघ उदयपुरको अध्यक्षमा भक्ति विलास पोखरेल निर्वाचित भएका छन् ।
प्रेस युनियन र प्रेस चौतारीको संयुक्त प्यानलबाट उम्मेदवार बनेका पोखरेल ६० मतसहित निर्वाचित भएका हुन् । उनका प्रतिस्पर्धी प्रेस सेन्टरका भोटराज राईले ४२ मत मात्र प्राप्त गरे ।
त्यस्तै, संयुक्त प्यानलबाट उपाध्यक्षमा विश्वराज तामाङ्ग र महिला उपाध्यक्षमा रेवती पराजुली निर्विरोध निर्वाचित भएका छन् ।
सचिवमा तुलसीप्रसाद कोइराला ६६ मतसहित निर्वाचित भएका छन् । खुल्ला सहसचिवमा देवराज राईले ६७, समावेसी सहसचिवमा रन्जु दनुवारले ६७ मतसहित निर्वाचित भएका छन् ।
कोषाध्यक्षमा पुरुषोत्तम सापकोटा ५७ मतसहित निर्वाचित भएका छन् । सदस्यहरुमा अन्जनी कुमार अधिकारी ६८, अमित तामाङ ७०, खेमराज दाहल ६९, ढकबहादुर राउत ५५, शंकर बहादुर रिखाम ७३ र सिंहबहदुर राईले ७० मतसहित विजयी भएका छन् ।
