आज नेताहरुको जिम्मेवारी बाँडफाट गर्दै एकीकृत समाजवादी

काठमाडौं । नेकपा एकीकृत समाजवादीको स्थायी कमिटी बैठक आज पनि बस्दै छ । आज बस्ने बैठकले पार्टी केन्द्रीय सदस्यहरुको कार्यविभाजन र कार्ययोजना टुंगो लगाउने तयारी गरेको छ ।

शनिबारको स्थायी कमिटी बैठकमा आगामी कार्ययोजना र कार्यविभाजनबारे छलफल भएको थियो । पार्टी प्रवक्ता जगन्नाथ खतिवडाले छलफल आज आइतबार पनि चल्ने र कार्यविभाजन टुंगो लगाउने बताए ।

१०औं महाधिवेशन सकेको ५ महिना बितिसक्दा पनि पार्टीले नेताहरुको जिम्मेवारी बाँडफाँट टुंग्याउन सकेको छैन । पार्टीको नयाँ कार्ययोजना र कार्यविभाजन टुंगो लगाएर बैठक आजै सम्पन्न गर्ने तयारी छ ।