सुदूरपश्चिमले पोखरालाई दियो १५४ रनको लक्ष्य

काठमाडौं । नेपाल प्रिमियर लिग (एनपीएल)मा सुदूरपश्चिम रोयल्सले पोखरा एभेञ्चर्सलाई एक सय ५४ रनको लक्ष्य दिएको छ ।
कीर्तिपुरस्थित टीयु क्रिकेट मैदानमा टस हारेर पहिला ब्याटिङको निम्तो पाएको सुदूरपश्चिमले निर्धारित २० ओभरमा सात विकेट गुमाउँदै एक सय ५३ रन बनयो ।

सुदूरपश्चिमका आरिफ शेख ४२ रनमा अविजित रहे। उनले ३८ बलमा २ चौका र १ छक्का प्रहार गरे ।

ब्रान्डन म्याकमुलेनले २३ र कप्तान दीपेन्द्र सिंह ऐरीले २० रन थपे । ईशान पाण्डे १० रज बनाउँदा रिटायर्ड आउट भए ।
विनोद भण्डारी १४ र हरमित सिंह १३ रनमा पेभेलिन फर्के ।

पोखराका कप्तान कुशल भुर्तेलले २ विकेट लिए। माइकल लिस्क, रेमोन रिफर र सागर ढकालले समान एक विकेट आफ्नो नाममा गरे ।