काठमाडौं । नेपाल प्रिमियर लिग (एनपिएल) को एलिमिनेटरमा आज चितवन राइनोज र कर्णाली याक्सबीच प्रतिस्पर्धा हुँदैछ । खेल कीर्तिपुरस्थित त्रिवि क्रिकेट मैदानमा बिहान ९ बजे सुरु हुनेछ ।
यो खेलमा पारजित हुने टोलीको एनपिएल यात्रा समाप्त हुनेछ भने जित हासिल गर्ने टोलीले फाइनल पुग्ने एक मौका पाउनेछ ।
लिग चरणबाट चितवन ७ खेलमा ४ जित र ३ हारको नितजासहित ८ अंकका साथ तेस्रो स्थामा रहेर प्लेअफमा पुगेको हो । यता कर्णालीले पनि सोही नतिजा निकालेको थियो । तर नेटरनरेटमा चितवन अगाडि रह्यो ।
कर्णाली चिवनविरुद्धको जितलाई आज पनि कायम राख्ने लक्ष्यमा हुनेछ । चितवन भने समूह चरणमा ब्यहोरेको हारको बदला लिने दाउमा छ । समूह चरणको खेलमा कर्णाली ६ विकेटले विजयी भएको थियो ।
