आज सुनचाँदीकै मूल्य घट्यो

काठमाडौं । नेपाली बजारमा आज (शुक्रबार) सुनको मूल्य घटेको छ । नेपाल सुनचाँदी व्यवसायी महासंघका अनुसार आज सुनको मूल्य तोलामा ५०० रुपैयाँले घटेको हो ।

महासंघका अनुसार बिहीबार एक लाख ४९ हजार रुपैयाँमा किनबेच भएको सुन आज प्रतितोला एक लाख ४८ हजार ५०० रुपैयाँ कायम भएको छ ।

त्यस्तै आज चाँदीको मूल्य पनि तोलामा २० रुपैयाँले घटेको छ । बिहीबार एक हजार ७८० रुपैयाँमा कारोबार भएको चाँदी आज प्रतितोला एक हजार ७६० रुपैयाँमा कारोबार भइरहेको महासंघले जनाएको छ ।