महोत्तरीमा लुटेराद्वारा पूर्वगाविस सचिवको हत्या

जनकपुरधाम । महोत्तरीमा लुटेराकाे एक समूहले एकजनाको हत्या गरेको छ । महोत्तरीको मनरा शिसवा नगरपालिका–४ साढाका ७० वर्षीय सुशील झाको हत्या गरेको हो ।

प्रहरीका अनुसार आज बिहान ४ बजेतिर ७/८ जनाको संख्यामा आएको लुटेरा समूहले झाको हत्या गरेको हो । जिल्ला प्रहरी कार्यालय महोत्तरीका प्रवक्ता डीएसपी सन्तुलाल जयसवारले लुटेराले घरमा रहेको मंगलसूत्र र औंठी र नगद ८० हजार लुटेर लगेको बताए । हत्या गरिएका व्यक्ति पूर्वगाविस सचिव हुन् ।

घटना विषयमा थप अनुसन्धान गरिरहेको प्रहरीले जनाएको छ ।