शक्ति समूहकी संस्थापक सुनिता दनुवारको निधन

काठमाडौं । शक्ति समूहकी संस्थापक सुनिता दनुवारको निधन भएको छ । मानव बेचबिखनविरुद्धकी अभियन्ता दनुवारको ४७ वर्षको उमेरमा सोमबार (आज) निधन भएको हो ।

पारिवारिक स्रोतका अनुसार आइतबार राति खाना खाएर सुतेकी दनुवार विहान ५ बजे ओछ्यानमै मृत अवस्थामा भेटिएकी थिइन् । उनलाई अस्पताल पु¥याउँदा मृत घोषणा गरिएको थियो । सुनिताका श्रीमान र एक छोरी छन् ।

आफै मानव बेचबिखनबाट पीडित सुनिता मानव बेचबिखनविरुद्धको अभियानमा सक्रिय थिइन् । सुनिता अमेरिकी विदेश मन्त्रालयबाट २०१८ को ‘टिप हिरो’को रूपमा सम्मानित भएकी थिइन् । उनी विभिन्न अन्तराष्ट्रिय पुरस्कर प्राप्त गरेकी छन् ।