भोजपुर । भोजपुरमा स्कार्पिओ गाडी दुर्घटना हुँदा एकजनाको मृत्यु भएको छ भने नौजना घाइते भएका छन् ।
जिल्ला प्रहरी कार्यालय भोजपुरका अनुसार भोजपुर नगरपालिका–५ बोखिमको डाडाँटोल स्थित भित्री सडक खण्डमा बिहीबार बिहान साढे ८ बजेतिर प्रदेश १–०२–००२ च ६९२३ नम्बरको स्कार्पिओ सडकबाट खसेर दुर्घटना भएको थियो । दुर्घटनामा झापाको गौरादह नगरपालिका–७ का झम्कबहादुर घलेको मृत्यु भएको प्रहरीले जनाएको छ ।
दुर्घटनामा स्कार्पिओ चालक र एक बालकसहित नौ जना घाइते भएका छन् । घाइतेमध्ये तीनजनाको अवस्था गम्भीर रहेको बताइएको छ ।
जिल्ला प्रहरी कार्यालय भोजपुरका प्रहरी निरीक्षक दीपक श्रेष्ठका अनुसार अनुसार गम्भीर घाइते भोजपुर नगरपालिका–५ कि लाक्पादिकी शेर्पा, सोही वडाका रामकुमार राई र सुनसरीको धरान उपमहानगरपालिका–२ कि इहायाराना सुब्बालाई थप उपचारका लागि हेलिकप्टरमार्फत पठाइएको छ ।
स्कार्पिओ चालक सुनसरीको धरान–८ का सुदीप लिम्बू उपचारपछि डिस्चार्ज भएका छन् । उनलाई प्रहरीले नियन्त्रणमा लिएको छ ।
