खाग तस्करलाई नियन्त्रणमा लिन सेनाले चलायो गोली, एक जना पक्राउ

काठमाडौं । नेपाली सेनाले गैंडाको खाग तस्करलाई नियन्त्रणमा लिने क्रममा मकवानपुरमा हवाइ फायर गरेको छ ।

नेपाल प्रहरीका अनुसार बिहीबार बिहान मकवानपुरको हेटौंडा उपमहानगरपालिका–८ मा हवाइ फायर गरेर खाग तस्कर नियन्त्रणमा लिइएको हो ।

खाग नियन्त्रण गर्ने क्रममा तस्कर भाग्न खोजेपछि हवाइ फायर गरिएको प्रहरीले जनाएको छ । नेपाली सेनाको नयाँ गोरख गण सैनिकले ५ राउन्ड हवाइ फायर गरेको हो । घटनास्थलबाट १ जना पक्राउ परेका छन् ।