धादिङमा माइक्रोबस दुर्घटना हुँदा १६ जना घाइते

धादिङ । धादिङको गल्छीमोडस्थित पृथ्वीराजमार्गमा माइक्रोबस दुर्घटना हुँदा १६ जना घाइते भएका छन् ।

प्रहरीका अनुसार काठमाडौंबाट चितवनतर्फ जाँदै गरेको बा २ ख २८२९ नम्बरको माइक्रोबस ब्रेक फेल भएर गल्छी गाउँपालिका-८ गल्छीमोडस्थित दुर्घटना भएको हो ।

घाइतेहरूको अम्बेभरोसा अस्पताल गल्छीमा उपचार भइरहेको छ । घाइते हुनेहरूमा नन्दबहादुर मगर, भिमा भट्टराई, सिता सेञ्चुरी, मौसम पौडेल, बिन्दु गुरुङ, श्रीकृष्ण श्रेष्ठ, राम जानकारी पाण्डे, सुवास घिमिरे रहेका छन्।

त्यस्तै, सञ्जय तामाङ, उषादेवी पौडेल, राम कुमार रिजाल, मधुमाया मगर, सञ्जय बाठा मगर, गोपाल रावत, चन्द्र माया लामा र सुरेन्द्र थापा रहेका छन् ।