काठमाडौं । फोटो पत्रकार एवं सगरमाथा आरोही पूर्णिमा श्रेष्ठ विश्व प्रसिद्ध सञ्चारमाध्यम सीएनएनको उत्कृष्ट सूचीमा परेकी छन् । एकै सिजनमा तीनपटक सगरमाथाको सफल आरोहण गरेकी पूर्णिमा सीएनएनको ‘द एक्सट्रिम एथलेट्स हु पुस्ड लिमिट इन–२०२४’को सूचीमा परेकी हुन् ।
एक सिजनमा तीनपटक सगरमाथाको सफल आरोहण गर्ने विश्वकै पहिलो र एकमात्र महिला भन्दै सीएनएनले उत्कृष्ट सूचीमा राखेको छ । सीएनएनको उत्कृष्ट सूचीमा परेपछि पूर्णिमाले सामाजिक सञ्जालबाट खुसी व्यक्त गर्दै लेखेकी छन् । ‘सूचीमा मलाई समेत चयन गरेकोमा गौरवान्वित महसुस गरेकी छु । सन् २०२४ मेरो जीवनको एक ऐतिहासिक वर्ष बन्न पुग्यो ।’
