काठमाडौं । गीतकार लोकराज अधिकारीको शब्दमा ‘द भ्वाइस अफ नेपाल’का प्रथम विजेता सिडीविजय अधिकारीको स्वर र संगीत रहेको ‘जिन्दगानी के छ र’ गीतको भिडियो सार्वजनिक भएको छ ।
बबिता श्रेष्ठ ‘मलेकु’द्वारा निर्देशित ‘जिन्दगानी के छ र’ बोलको नयाँ म्युजिक भिडियोमा दीपेन्द्रराज गिरी, जुना एसडी र बालकलाकार एला पुरीको अभिनय रहेको छ ।
प्रियसी म्युजिकको प्रस्तुति रहेको भिडियोमा जन्म र मृत्यु शाश्वत भएपनि देशको अवस्थाका कारण आर्थिकभार र ऋणको बोझका कारण मान्छेमा बढ्दै गएको डिप्रेसनले निम्त्याउँदै गरेको समस्यालाई देखाउने प्रयास गर्एिको छ । जस्तोसुकै समस्या आइपरेपनि घरपरिवारप्रतिको जिम्मेवारी बिर्सन नहुने सन्देश भिडियोमार्फत दिन खोजिएको छ ।
पुष्कर खत्रीको संगीत संयोजन रहेको यस गीतको भिडियोलाई उत्तम हुमागाईँले खिचेका हुन् भने मीन रावलले सम्पादन गरेका हुन् ।
